Búið er að uppfæra vafrann þinn
Skrunaðu niður til þess að sjá nýjungar
Fela viðmót sjálfkrafa
Bylting fyrir þá sem vilja gott pláss á skjánum. Þegar þetta er virkjað hverfur allt viðmótið (flipastika, veffangastika, spjald og stöðustika). Færðu bendilinn að hvaða brún skjásins sem er og viðmótið birtist aftur. Færðu þig frá brúninni og það hverfur aftur.
Og þar sem þetta er Vivaldi, ákveður þú hvað hentar þér best. Farðu í Stillingar > Útlit > Fela viðmót sjálfkrafa og veldu hvort þú vilt fela allt notendaviðmótið eða bara tiltekna hluta þess.
Fylgiflipi
Þú kannast við tilfinninguna þegar þú vafrar, finnur áhugaverðan tengil, smellir á hann, eitt tekur við öðru og skyndilega eru ellefu flipar opnir? Fylgiflipinn er bjargvættur.
Hægrismelltu á hvaða tengil sem er og veldu opna hlekk sem flísalagðan fylgiflipa. Síðan opnast þá í flísalagðri sýn til hliðar við það sem þú ert þegar að lesa. Allir aðrir hlekkir sem þú smellir á í upprunalega flipanum halda áfram að hlaðast í fylgiflipann. Þú þarft ekki lengur að óttast að tapa upprunalega þræðinum: upprunalega síðan þín verður akkeri og helst nákvæmlega þar sem hún var.
Vivaldi póstur, nú miklu betri
Nú er hægt að opna Vivaldi póstritilinn í sér glugga, þannig að þú getur skrifað tölvupóstinn þinn til hliðar við pósthólfið þitt, á öðrum skjá eða í fullum skjá. Inni í sjálfu póstforritnu finnur þú nýjan rofa til að skipta á milli mótaðs texta og venjulegs texta.
Við höfum einnig bætt við möguleikanum á að vista valin skilaboð á disknum þínum, sem gerir þér kleift að vista afrit af skilaboðaskrám sem þú vilt geyma á öðrum stað.