Ayen i nxeddem
Ilaq d iminig ara yeddun akken tebɣiḍ, mačči d tanmegla.
Akken nettwali aṭas n yimdanen bɣan ad sagnen, ad beddlen daɣen yal tardast n yiminig-nsen akken ara yili d ayla-nsen. Bɣan ad kecmen ɣer yifecka leqqayen s war ma glan s temlellit d tɣellist. Yerna bɣan wid ara asen-yeslen.
"Nebna-d iminig uzmir, yettwasaganen, yettqadaren tudert tabaḍnit. Iminig ara yeddun d wayen tebɣiḍ, mačči d tanmegla."
Tuɣda
Amek i t-nxeddem
D yiwet n temɣiwent yessewhamen n yiwiziwen iqeddcen s war tadrimt akked termit meqqren deg lebni n yiminig.
Amesbeddi-nneɣ akked CEO, Jon von Tetzchner, yesnulfa-d iminig send akk ad slen medden ameslay ɣef Internet. Numen s tuddsa tawurmant akked umεiwen gar yigezda d yisenfaren. Maca mačči weḥd-nneɣ amahil-a. Nettkel ɣef temɣiwent iqefzen n yiwiziwen deg umaḍal s umata ara aɣ-iεawnen deg usekyed, deg usuqel akked teywalt.
"Yal wa ad iqader wa, seqsit ɣef wayen i tebɣam, snulfut-d, teseddum lecɣal ɣer sdat."
Idγaren
Tarbaεt-nneɣ llan deg-s (ar ass-a) imdanen seg 25 n tɣelnin yettmahalen deg sebεa n tumra deg lbiruwat deg Nurvej, Island akked Marikan.
Uslu, Nurvaj
Lbiru-nneɣ ametti ha-t deg tlemmast n Uṣlu, tama n uceṛcuṛ icebḥen aṭas. Ih, d aceṛcuṛ n tidet, tzemreḍ ad d-tṣeyydeḍ ula d iselman n Suluman n Nurvej deg wasif ma yella tḥemmleḍ ṣṣyada.
Reykjavik, Island
Lbiruwat-nneɣ deg Island ha-ten deg Innovation House, taxxamt tadigant n tkebbaniyin i d-yettenkaren yebna-tt Jon. Tarbaεt-nneɣ taslandit tezga-d deg yiwen ugama iḍallen ɣef ugaraw ayen yettεawanen deg uxemmem igerrzen i lebni n Vivaldi.
Magnulya, Marikan.
Ixxamen-nneɣ asadur deg Marikan drus ara telḥuḍ ɣur-s s tkeṛṛust seg Busṭun deg Innovation House n Mangoliya - taxxamt n tguni d tḥanut uɣalent d ammasen n tetiknulujit. Yal anebdu ad d-tennejmaε tarbaεt dagi.
Aql-aɣ deg usenqed
Vivaldi d ayla n yimarisen-is.
Nekkni daɣen nesɣawas ad nkemmel akka.
Tihewt n yimseftiyen iẓɣarayen tegla-aɣ-d s tlelli akken ad nsel i yiseqdacen-nneɣ, s tdukkli-nneɣ yid-sen, ad d-nebnu iminig i uklalen. Yal tikti tettwaḥsab yerna s wazal-is.
